Sweef (Boksstel)

Sweef deur dr. Leonie is ‘n geestelike reis oor 365 dagstukkies wat die metafore en vergelykings van die Woord soos brood oopbreek sodat dit in die leser se lewe ‘n werklikheid kan word en manifesteer.

Hierdie boek klop warm van Sy liefde vir jou en dr. Leonie verwoord die daaglikse boodskappe op haar unieke vrygeesmanier soos baie haar deur verskeie konferensies sou leer ken. Sweef neem die leser uit die alledaagse gejaag van die moderne lewe tot by die aangesig van ons Hemelse Vader.

Met vele stof tot nadenke in elke boodskap, kan die leser nie anders as om hom- of haarself voor ‘n spieël te plaas nie, en sodoende introspeksie te doen totdat die weerkaatsing nie meer in ‘n spieël nie, maar in Jesus se oë terug staar! Maak jouself oop vir die werking van die Heilige Gees wanneer jy hierdie boek op ‘n daaglikse basis bestudeer en oor die boodskappe mediteer.

Die voorhangsel is reeds geskeur, maar gaan jy werklik opstaan en met ‘n vuur in jou hart deur daardie poort beweeg? Moenie meer kruip deur die lewe terwyl dit God se wil vir jou is om te SWEEF nie!

 Bestelvorm

Bepalings en voorwaardes

1. Jy sal binne 24 uur 'n faktuur per e-pos ontvang.
2. Gebruik asseblief jou naam en van as betalingsverwysing.
3. Maak asseblief seker dat jy die korrekte inligting ingevul het. Hosanna aanvaar geen verantwoordelikheid vir foutiewe inligting nie.
4. Versending geskied binne 5 werksdae vandat bewys van betaling ontvang is.