Hosanna-app

Ons glo dat hierdie app vir jou LIG sal bring in daardie oomblikke waar jy donker om jou ervaar; dat elke boodskap via die app jou nader aan die antwoorde in jou lewe sal bring wat Abba Vader eintlik vir jou in gedagte het. Dat jy werklik sal begin beleef dat God liefde is en dat liefde God is; dat jy sal begin beleef hoe jy elke dag kan leef in krag en genesing van Jesus se pryswat vir jou betaal is en dat jy elke sekonde van jou lewe in die Opstandingskrag van God Die Heilige Gees kan leef DEUR 'N PERSOONLIKE VERHOUDING MET JOU VADER, JOU VERLOSSER EN JOU VERTROOSTER.

Ek en my man is BEVOORREG om Hosanna te kan lei soos DIE HEILIGE GEES ons LEI.

App vrystellingnotas (Nuwe weergawe: Desember 2019)

ANDER NUWE FUNKSIES:

Getuienisse

Deel jou getuienis onder hierdie afdeling in die app. Jy kan skryf en selfs 'n foto saam met jou plasing pos. Ander app-gebruikers wat deel van die Hosanna-gemeenskap is, kan op jou getuienis kommentaar lewer en jou plasing "like". Jy moet 'n profiel op die app registreer en ingeteken wees om van dié funksie gebruik te maak. Jy kan selfs 'n profielfoto oplaai en jou profiel wysig - dis amper soos Hosanna se eie "Facebook"! Maak ook seker dat jy Hosanna se gemeenskapstandaarde, beleid, termes en voorwaardes lees. Indien jy van hierdie funksie gebruik maak, stem jy outomaties daarmee saam. Dit kan gelees word onder die "Beleid"-afdeling in die app.

MP3-preke

Luister na weeklikse MP3-boodskappe deur Dr. Leonie op die app via SoundCloud! 

Donasies

Indien jy in Hosanna-bediening wil saai, kan jy alle nodige inligting onder die "Donasies"-afdeling op die tuisskerm vind.

Nuwe tuisskerm!

Omrede daar so baie nuwe funksies in hierdie weergawe van die app bygekom het, en ons die app selfs verder gaan ontwikkel in die toekoms, vertoon die embleme van die verskeie afdelings nou 'n bietjie kleiner op die tuisskerm. Jy kan nou meer afdelings gelyktydig op die tuisskerm sien.

Bybelvasvra-speletjie

Jy hoef nie meer geregistreer/ingeteken te wees om die Bybelvasvra-speletjie te speel nie. Toets jou kennis met 'n nuwe vasvra wat elke tweede maand beskikbaar gestel word. 

Lees Sweef

Dr. Leonie se dagstukboek, Sweef, kan gratis op die app gelees word. Nuwe dagstukkies word deurlopend bygevoeg. Dagstukkies het voorheen op 'n maand-tot-maand basis op die app verskyn en ná elke maand verdwyn. Die dagstukkies bly nou permanent op die app beskikbaar sodat jy kan opvang indien jy agter geraak het. Elke maand se dagstukkies word ook in 'n aparte hoofstuk met die maand se naam gegroepeer om dit meer gebruikersvriendelik te maak. 

ANDER FUNKSIES:

Kyk preke

Jy kan dr. Leonie se boodskappe onder die "Preke en Videos" afdeling deur die app op jou selfoon kyk! Nuwe preke word weekliks bygevoeg. Maak seker dat jy 'n goeie WiFi/internetkonneksie het. Dit is gratis om die preke te kyk, maar omrede dit "streaming" is, sal dit van jou data gebruik.

Ontmoet die span!

Onder die "Ons Span" afdeling sal jy die gesigte van elkeen wat by Hosanna betrokke is sien! Maak kennis met ons fasiliteerders (wat altyd gereed staan in bereidwilligheid om die Goeie Nuus te verkondig) asook ander spanlede waarmee jy kontak kan maak.

Hosanna Kalender

Bly op hoogte van opkomende konferensie- en kursusdatums wat deur verskeie spanlede van Hosanna en Dr. Leonie aangebied word onder hierdie afdeling van die app. Datums, tye, GPS-liggings en aanwysings is onder hierdie afdeling beskikbaar.

Konferensies

Besigtig 'n lys van opkomende Hosanna-konferensies, besoek die konferensie se inligtingsblad en registreer aanlyn via die app.

Ander belangrike notas

  • Die app is op Android (Google Play) en iOS (Apple) beskikbaar. 
  • Jy moet 'n aktiewe WiFi- of internetkonneksie hê om die app te kan gebruik.
  • Nuwe en opwindende afdelings word met bywerkings (updates) bygevoeg. Maak dus seker dat jy die Hosanna-app gereeld op datum hou (update via Google Play/Appstore). Nuwe bywerkings sal onder hierdie afdeling van die app bespreek word.
  • Binne-app bywerkings: die app mag dalk af en toe aan jou noem dat daar nuwe inligting beskikbaar is om af te laai. Klik dan net op "Yes" of "OK" en siedaar - al die nuutste inligting en funksies is in die palm van jou hand!
  • Sommige funksies sal vereis dat jy 'n profiel op die app moet skep. Deur 'n profiel te skep, aanvaar jy outomaties om by Hosanna se nuusbriefdatabasis gevoeg te word. Alle funksies bly dus gratis en daar is geen inskrywingsfooi ter sprake nie.

Vir enige bystand/navrae in verband met die app, stuur gerus 'n e-pos aan Francois by info@leoniepretorius.co.za.

Geniet die app en wees geseënd!