Biografie

Van die dinge wat die moeilikste is, is seker om oor jouself te skryf. Daarom vra mense seker vir 'n CV, maar ek doen nie aansoek vir werk nie, so dit gaan nie werk nie, WANT EK WORD GESTUUR DEUR MY MAKER EN MY GOD.

Ek bedien interkerklik regoor ons land, Suid-Afrika, en verder soos Abba Vader vir my deure oopmaak. Ek word werlik geboei deur Die Heilige Gees en na plekke gelei waar daar 'n honger en dors is na DIE WAARHEID; om te verkondig dat NET JESUS DIE WEG, DIE WAARHEID EN DIE LEWE NA VADER GOD IS.

My passie is dat mense 'n lewende ontmoeting met Christus Jesus sal hê, sodat hulle die liefde wat God vir hulle het as Vader kan leer ken en wedergebore word; dat hulle Die Heilige Gees as persoon sal ontmoet tydens hulle doping met God se Gees en sal begin leef in die waarheid om die dinge daar Bo meer as die dinge op die aarde te bedink.

My hart is om te sien hoe elke liewe mens in hulle PURPOSE opstaan, om in hulle DESTINY DIE LEWE TE KIES; sodat hulle en hul nageslag geseënd kan wees. Dat niemand maar net sal bestaan nie, maar sal lewe om 'n LEGACY na te laat.

Ek het in my beradingskool, BAD VAN BETESDA (KIES DIE LEWE), baie beraders opgelei, en in my spreekkamer gesien hoe word 'n stukkende hart heel en hoe vrese oorwin word; dat mense nie hoef weg te sink in depressie nie. Uit die behoefte het ek Gemeente Ware Lewe geplant.

Ek is in 2004 as Pastoor georden. Ek het ook ná die pastorale kursus die CLT kursus voltooi - wat ek ook in die Bybelskool, Kores, aangebied het. Deur Calvary Universiteit het ek my B.A. en M.A. voltooi waar ek in 2008 met 'n Cum Laude my Doktorsgraad behaal het in PASTORALE TERAPIE, BYBELONDERRIG en DWAALLERINGE IN DIE KERK.

Ek is bevoorreg om op KRUISKYK die evangelie in ons taal te kan verkondig.

Ek is altyd aan die skryf aan een of ander boek wat mense net nader aan die waarheid sal bring. Ek het my hand al gewaag aan film maak en twee films ook vrygestel, naamlik Sieraad vir As en Leef die Koning se droom.

Elke liewe boodskap wat jy hoor of lees kom vanuit 'n spesiale oomblik waar ek dit ontvang het in 'n encountering, visoen of aanraking van my Meester af.

As jy my getuienis ken, sal jy weet hoe ek my roeping voor Jesus opgeneem het met 'n ring in my hand, skoene in my hande, 'n mantel oor my arm en met 'n verklaring: "In hemelse plekke, HERE, EK SAL GAAN EN U VERLORE SEUNS EN DOGTERS GAAN HAAL."

Ma-wees is vir my DIE GROOTSTE EER EN VOORREG. Ek is geseënd met twee dogters wat uitgekapte pilare is vir net 'n KONINGSPALEIS. Leanthy is gesalf met 'n profetiese bediening om in poorte te dans wat Vader se hart vir ons is om deur in te gaan. My jongste dogter, Chanté, se invleg van kreatiwiteit laat my verstom.

Kosbaar is elke oomblik vir my waar my man, Attie, saam met my staan - sy aan sy.

Ek hoop hierdie gee jou 'n dieper kykie op wie LEONIE is en wat haar passie is. Noem dit sommer my CV of PROFIEL.